Percurs da mobilitad

Il percurs da mobilitad dat impressiuns realisticas da dischavantatgs en il mintgadi da persunas cun impediments.

leger vinavant

Contact

Pro Infirmis
Secretariat e post da cussegliaziun chantunal dal Grischun

Engadinstrasse 2
7000 Cuira

058 775 17 17

Far l’experientscha cun obstachels

Umans cun in impediment fruntan en il mintgadi savens sin obstachels architectonics ch’èn strusch u insumma betg da surmuntar. La via a la posta, per ir a far cumissiuns u en il kino chala là, nua che la porta d’entrada è memia greva, il stgalim memia aut u la rampa memia stippa! Il percurs da mobilitad da Pro Infirmis Grischun sa basa sin situaziuns dal mintgadi. Co èsi da pudair sa mover libramain senza obstachels, ubain da betg pudair sa mover libramain, dad esser immovibel e dependent pervia d’obstachels?


Sutgas cun rodas

Il percurs da mobilitad cumpiglia otg differents obstachels da lain che pon vegnir postads libramain. La finamira è da passar quest percurs cun sutgas cun rodas u cun meds d’agid per tschorvs e persunas flaivlas da vesida e da far l’experientscha, tge obstachels che umans cun impediments scuntran en il mintgadi.

Per ina contribuziun a las spesas stat il percurs a disposiziun a tut ils interessads che organiseschan ina lecziun da scola, in perfecziunament u in’autra occurrenza en connex cun il tema umans cun in impediment da la mobilitad. Il percurs da mobilitad vegn furnì, montà e demontà al lieu.

Pe da pagina

ensi