Stimadas dunnas, preziai signurs

Bugen purschin nus a Vus ina cussegliaziun persunala en nies post da cussegliaziun. Cun quei fegl informein nus Vus davart las mesiras necessarias per Vossa protecziun e per la protecziun dallas collaboraturas e dils collaboraturs:

• Nus contactein Vus per telefon avon il termin da cussegliaziun per explicar nossas mesiras da protecziun. Vus vegnis era dumandai, sche Vus haveies simtoms da cunauras. Aschia savein nus sclarir ensemen cun Vus co il contact sa vegnir realisaus cun risguard dallas mesiras da protecziun.
• Ellas localitads da Pro Infirmis vala l'obligaziun da purtar ina mascrina da protecziun. Fagei aschi bien e dei part a nus avon il discuors da cussegliaziun, sche Vus saveis buca purtar ina mascrina per motivs da sanadad.
• A tgi che fa part dalla gruppa da persunas periclitadas purschin nus vinavon cussegliaziuns per telefon. Fagei aschi bien e communichei a nus Vos giavischs e basegns per Vossa cussegliaziun.
• Nus supplichein Vus da vegnir punctualmein al termin. All'entrada fageis Vus diever dil vapurisader desinfectont.
• Il persunal da Pro Infirmis accumpogna Vus ella stanza da spetga ni ella stanza da cussegliaziun. Ella stanza da cussegliaziun ha ei in veider da plexi.
• Suenter mintga discuors vegn la stanza luftegiada e tut las surfatschas utilisadas e tut ils interrupturs, objects e manètschs tuccai vegnan desinfectai.