Servetsch d'infurmaziun e da colliaziun 1145

Swisscom ed UPC porschan en collavuraziun cun Pro Infirmis in servetsch d'infurmaziun e da colliaziun gratuit per umans cun impediments.

Sedia principala da Pro Infirmis

Feldeggstrasse 71
8032 Turitg

058 775 20 00

Link: contact@proinfirmis.ch

È il servetsch 1145 er insatge per Vus?

Avais Vus – pervia d'ina restricziun – fadia da tschertgar in numer da telefon en in index u d'al cumponer? Il servetsch 1145 infurmescha e collia Vus gratuitamain. Vus stuais mo pli cumponer il numer curt 1145.

Uschia As annunziais Vus:

1. Telechargiar il formular d'annunzia

S'annunziar tar Swisscom (PDF)

S'annunziar tar UPC (PDF)

2. Emplenir il formular d'annunzia

Empleni il formular. Impurtant: Voss medi u in post da cussegliaziun da Pro Infirmis sto confermar sin il formular che Vus avais in impediment.

3. Trametter il formular d'annunzia

Tramettai il formular emplenì per posta a Pro Infirmis, Feldeggstrasse 71, Chascha postala, 8032 Turitg

Bun da savair:

La colliaziun è gratuita, per il discurs al telefon resultan ils custs usitads.
I po durar enfin 4 emnas, fin che Swisscom resp. UPC han endrizzà il servetsch 1145.
Per clientas e clients da Salt e Sunrise n'èsi deplorablamain betg pussaivel d'endrizzar il servetsch 1145.
Il servetsch 1145 na funcziuna betg cun colliaziuns da telefonia mobila NATEL®easy e da rait fixa Infinity.