Sessiun da las persunas cun impediments 2023

Ils 24 da mars 2023 envida il president dal Cussegl naziunal Martin Candinas en la sala dal Cussegl naziunal da la Chasa federala a l'emprima Sessiun da las persunas cun impediments en Svizra. Durant in suentermezdi debatteschan persunas cun impediments davart lur giavischs en vista ad ina participaziun politica. Ellas discuteschan tge pass ch'i dovra per reducir ils obstachels existents e pussibilitar la participaziun politica da persunas cun impediments. A la fin delibereschan ellas ina resoluziun correspundenta. 

22 pertschient dals sezs en il parlament vegnan ad esser occupads – quai correspunda tenor la statistica a la quota d'umans cun impediments en la populaziun svizra. Quai èn 44 sezs dals total 200 sezs en il Cussegl naziunal.