Ulteriuras infurmaziuns

Parlamentarias e parlamentaris a l'emprima Sessiun da las persunas cun impediments

Qua èn las persunas tschernidas – 44 dunnas ed umens che han participà sco parlamentarias e parlamentaris a l'emprima Sessiun da las persunas cun impediments en Svizra! Ils 24 da mars èn els vegnids a represchentar en la Chasa federala ils interess dals umans cun impediments. Cliccai sin las persunas per vegnir a savair dapli davart ellas.

Foto Credits

Foto Alex Oberholzer: © Zeljko Gataric
Foto Jonas Pauchard: © EHB/Ben Zurbriggen
Foto Nicole Tille: © Régine Gapany/Le Messager
Foto Jasmin Rechsteiner: © MD9 Bojan Zupan
Foto Sébastien Kessler: © Bernard Léchot


  • a Marca-Kaba Hadja, Courgenay
  • Alijaj Islam, Zürich
  • Besse Cloé, Emmetten
  • Bischofberger Camilla, Zürich
  • Bonnet-Mérier Corinne, Genève
  • Brunner Jürg, St.Gallen
  • Buri Peter, Ostermundigen
  • Carniel Denise, Bellinzona
  • Derungs Silvio, Dardin
  • Facci Bruno, Ganterschwil
  • Fankhauser Tobias, Hölstein
  • Fischbacher Miriam, Tägerwilen
  • Friche Gabriel, Vicques
  • Goedecke Cédric, Sainte-Croix
  • Grand Vanessa, Leuk-Stadt
  • Haegler Anne, Winterthur
  • Haueter-Zumbühl Adrian, Sarnen
  • Huber Matthias, Affoltern am Albis
  • Janner Andreas, Wädenswil
  • Jaussi Martin, Baar
  • Kessler Sébastien, Lausanne
  • Koelbing Silvio, Muri bei Bern
  • Kuonen Verena, Pully
  • Latoui Nouh, Lausanne
  • Marti Olivier, Grosshöchstetten
  • Müller Barbara, Ettenhausen
  • Nyfeler Nicole, Kriens
  • Oberholzer Alex, Zürich
  • Oesch Dorian Alexander, Mettendorf
  • Pauchard Jonas, Düdingen
  • Pauli Jennifer, Worb
  • Pignone Romolo, Lugano
  • Piquerez Sébastien, Porrentruy
  • Plüss Marianne, Konolfingen
  • Rapelli Michel, Rocourt
  • Rechsteiner Jasmin, Bern
  • Ruch Werner, Gommiswald
  • Scheuber Cyrill, Stans
  • Schmutz Anja Sofia, Mühlethurnen
  • Stark Raymond, Erlenbach (ZH)
  • Stüssi Irene, Bern
  • Tille Nicole, Châtel-St-Denis
  • van Till Celine,  Grand-Lancy
  • Waeber Julien-Clément,  Chavannes-près-Renens

Bundant in tschintgavel da la populaziun svizra

A la Sessiun da las persunas cun impediments occupan las participantas ed ils participants 22% dals sezs en il Cussegl naziunal. Quai correspunda a la quota d'umans cun impediments en la populaziun svizra sur 16 onns.  

Dumber surprendent

Bundant in tschintgavel da tut ils umans che vivan en Svizra ha damai in impediment. Questa cifra po far surstar. I dat dentant divers motivs che contribueschan al fatg ch'il dumber d'umans cun impediments vegn savens sutstimà: bleras persunas cun impediments na vivan betg amez la societad, mabain en structuras parallelas. Sin fundament da numerusas barrieras na pon ellas betg participar a la vita publica en la medema dimensiun sco auters umans. Perquai na percepeschan blers umans betg ellas. Ultra da quai èn blers da quests impediments invisibels, per exempel impediments psichics u cognitivs. 

Impediments multifars 

5% da la societad svizra è fermamain restrenschida en il mintgadi. Igl è intschert quants dals ulteriurs 17% umans che considereschan sasezs sco main restrenschids, vesan sasezs sco «umans cun impediments» u vegnan percepids dad auters sco tals. Il stigma dal pled «impediment» e la cumparegliaziun cun impediments apparentamain «pli gronds» mainan a questa determinaziun: i po parair impertinent da quintar umans cun ina leva deblezza d'udida tar la medema gruppa sco umans senza udida. 

Finamiras cuminaivlas
Ma reparter ils 22% en differents grads da grevezza u en differentas sorts d'impediments è cuntraproductiv. La difficultad cuminaivla da tut quests 22% è ch'els vegnan impedids da participar a la vita sociala. Sche quests umans s'engaschan da cuminanza cunter las differentas barrieras ed il stigma, cuntanschan els dapli. Perquai simbolisescha la Sessiun da las persunas cun impediments quest tschintgavel da la populaziun svizra, senza dentant pretender che quella represchentaziun saja precisa. 

Co han ins eruì il dumber?

L'Uffizi federal da statistica (UST) ha relevà il 2019 la davosa giada quest dumber a chaschun d'ina enquista represchentativa tranter persunas sur 16 onns che vivan en chasadas privatas. L'UST è sa basà sin la definiziun en la Lescha davart l'egualitad da persunas cun impediments. Tenor quella valan sco umans cun impediments «persunas che han in problem da sanadad duraivel e ch'èn (fitg u in zichel) restrenschidas en las activitads dal mintgadi normalas». In'enquista represchentativa per l'entira populaziun na datti betg. L'UST stima per il 2019 in dumber total dad 1,8 miu. Quai correspundess a stgars 21% da la populaziun che includa era persunas che vivan en chasadas collectivas ed uffants sut 16 onns. 


La cumissiun da las persunas cun impediments

La cumissiun sa cumpona da politic*ras cun impediments che han actualmain in uffizi politic e vegn presidiada da cusseglier naziunal Christian Lohr. Ella elaborava las basas per la sessiun, en emprima lingia in sboz da la resoluziun che è vegnida discutada e deliberada a chaschun da la sessiun.

Christian Lohr

Christian Lohr

Cusseglier naziunal dal chantun Turgovia, Allianza dal Center

Manuele Bertoli

Manuele Bertoli

Cusseglier guvernativ dal Tessin, PS

Vincent Guyon

Vincent Guyon

Cusseglier communal da Rances, Vad, Allianza dal Center

Simone Leuenberger

Simone Leuenberger

Deputada en il Cussegl grond dal chantun da Berna, PEV

Cyril Mizrahi

Cyril Mizrahi

Deputà en il Cussegl grond dal chantun da Genevra, PS

Patrizia Mori

Patrizia Mori

Cussegliera communala da Losanna, Vad, PPS

Maud Theler

Maud Theler

Deputada en il Cussegl grond dal chantun Vallais, PCS

Pe da pagina

ensi