Protecziun da datas

Decleraziun davart la protecziun da datas

Pro Infirmis sa legra da Voss interess per nossa organisaziun. Questa decleraziun davart la protecziun da datas As infurmescha co che Pro Infirmis elavura Vossas datas persunalas.

Pro Infirmis metta gronda paisa sin la protecziun da Vossa sfera privata ed elavura Vossas datas persunalas tenor las disposiziuns vertentas en connex cun la protecziun da datas.

Obligaziuns legalas d’elavuraziun

Sco organisaziun tetgala dad organisaziuns regiunalas e localas da persunas cun impediments promovain nus l’inclusiun dad umans cun impediments. En quest connex elavurain nus datas persunalas per ademplir obligaziuns legalas en il rom da cunvegnas da prestaziun cun la communitad.

Uschenavant ch’ina elavuraziun succeda sin basa d’ina obligaziun legala, serva questa decleraziun davart la protecziun da datas a la transparenza. En tut ils auters cas (q.v.d. elavuraziuns da datas persunalas betg prescrittas directamain en la lescha) sa drizza l’elavuraziun da datas persunalas tenor las explicaziuns suandantas.

Intents da l’elavuraziun da datas

Sche Vus faschais diever da noss servetschs, utilisais nossa pagina-web u avais contact cun nus en in’autra moda, elavurain nus differentas categorias da datas persunalas. Questa elavuraziun succeda en spezial per ils intents suandants:

• Prestar servetschs per client*as: Nus elavurain datas persunalas per prestar ils servetschs che vegnan dumandads da nus. Quels cumpiglian purschidas sco cussegliaziuns socialas, chats online, agids finanzials directs, sustegns administrativs, abitar a moda assistida, scolas per emprender d’abitar e far il tegnairchasa, manaschi da structuras dal di, purschidas en il rom dal club da furmaziun, servetschs da distgargia, il program Eurokey (sistem da clavs per acceder ad installaziuns senza obstachels), purschidas voluntaras (p.ex. sur la plattafurma mitenand), scleriments davart impediments da mobilitad e purschidas per l’integraziun en il martgà da lavur. En quest connex elavurain nus tranter auter Vossas persunalias, datas da contact, datas da sanadad, datas davart mesiras da l’agid social ed ulteriuras datas sensiblas e p.ex. er infurmaziuns davart terzs (p.ex. Voss confamigliars).
• Prestar servetschs per terzs e cooperaziuns: En il rom da nossas prestaziuns per terzs sco er en il rom da cooperaziuns, p.ex. en connex cun cussegliaziuns spezialisadas per la construcziun senza obstachels, purschidas culturalas inclusivas, purschidas en lingua simpla, la registraziun digitala da l’accessibladad senza barrieras dad edifizis, il barat professiunal u mesiras da sustegn, ubain en il rom da la cussegliaziun da las autoritads, elavurain nus las datas persunalas da las instituziuns, da las autoritads e dals partenaris participads. Latiers tutgan en spezial las datas persunalas da las persunas da contact respectivas (p.ex. num, adressa dad e-mail u auters meds da communicaziun).
• Rimnar donaziuns: Per realisar ed administrar nossas acziuns da donaziuns elavurain nus en spezial infurmaziuns davart il gener da pajament e davart l’intent, Vossas persunalias sco era Vossas datas da contact (adressa dad e-mail e numer da telefon). En quest connex vegnan elavuradas las datas er automaticamain, en spezial per analisar la situaziun economica da las donaturas e dals donaturs.
• Newsletter: Sin nossa pagina-web pon ins abunar newsletters. Las datas che Vus inditgais cun abunar la newsletter vegnan duvradas mo per la spediziun da la newsletter, sche Vus na consentis betg ad in’ulteriura utilisaziun. Vus pudais terminar l’abunament da tut temp cun l’opziun correspundenta previsa en la newsletter.
• Manaschi da nossa pagina-web: Per garantir la segirezza e la funcziunalitad da nossa pagina-web registrain nus infurmaziuns tecnicas («datas da colliaziun») sco p.ex. l’adressa IP, il tip d’apparat, il sistem operativ, la versiun dal navigatur, il temp e la moda da la visita, il diever regiunal, configuraziuns linguisticas, la plattafurma utilisada e las paginas consultadas sin www.proinfirmis.ch, www.eurokey.ch, www.bildungsklub.ch e www.bueroleichtesprache.ch. Questas datas da colliaziun duain mussar co che las visitadras ed ils visitaders fan diever da questa pagina-web; ellas vegnan evaluadas per intents statistics ed utilisadas per mesiras internas che gidan ad augmentar la segirezza e meglierar la qualitad. En pli utilisain nus cookies e tecnologias parentadas. Ulteriuras infurmaziuns chattais Vus en il paragraf correspundent da questa decleraziun davart la protecziun da datas.
• Meglierar nossas purschidas: Per sviluppar vinavant noss servetschs digitals ed analogs analisain nus, nua che quai è applitgabel, il cumportament d’utilisaziun sin nossa pagina-web ed en tools online, las interacziuns cun noss profils en las medias socialas, ils resuns e commentaris da las utilisadras e dals utilisaders e quai che vegn ditg publicamain davart nossas purschidas.
• Registrar ed utilisar servetschs: Per tschertas purschidas digitalas po ina registraziun esser necessaria. En quest connex elavurain nus datas da registraziun, datas d’utilisaziun ed infurmaziuns davart il cumportament e las preferenzas.
• Controllar la segirezza e l’access: Per proteger noss sistems e nossas infrastructuras faschain nus diever da mesiras tecnicas ed organisatoricas. En il rom da quellas vegnan elavuradas datas persunalas.
• Proceduras da s’annunziar per plazzas: Annunzias per plazzas èn suttamessas a las disposiziuns specificas da la protecziun da datas ch’ins chatta sin nossa pagina da carriera. Sche Vus survegnis ina plazza, succeda l’ulteriura elavuraziun da datas era tenor il contract da lavur ed ulteriuras cunvegnas.
• Ulteriurs intents: Las datas pon vegnir elavuradas era per ulteriurs intents interns, tranter auter: scolaziun e perfecziunament, segirar la qualitad, segirar cumprovas (p.ex. cun discurs protocollads u registrads – cun avis precedent), management da ristga, organisaziun, realisaziun ed analisa d’occurrenzas incl. glistas da participantas e participants, registraziuns e contribuziuns da discurs, protecziun d’interess giustifitgads en cas singuls.

Derivanzas da las datas persunalas elavuradas

Nus retschavain datas persunalas en emprima directamain da Vus, en spezial cura che Vus faschais diever da noss servetschs.

Ultra da quai retschavain nus datas era dad autras funtaunas, en spezial:

• da Voss confamigliars e parents, da persunas che sustegnan Vus e da persunas da referiment,
• dal persunal medicinal spezialisà (en cas da dispensaziun da l’obligaziun da discreziun),
• da terzs sco p.ex. patrunas e patruns e d’organisaziuns, cun las qualas Vus avais ina relaziun,
• dad umans che prestan lavur voluntara per nus,
• dad interpresas da fundraising e marketing e dad ulteriurs furniturs da prestaziuns fidaivels,
• dad autras organisaziuns da persunas cun impediments e dad organisaziuns partenarias,
• dad autoritads.

Ultra da quai recurrin nus a funtaunas ch’èn accessiblas publicamain, nua che quai è necessari per prestar servetschs a moda adequata.

Dar vinavant datas persunalas

Nus dain vinavant Vossas datas persunalas, sche quai è necessari per ademplir noss servetschs e nossas obligaziuns ubain sche quai succeda en il rom da noss interess giustifitgads. Uschia pon datas cuntanscher las categorias suandantas da retschavidr*as:

• organisaziuns da persunas cun impediments ed organisaziuns partenarias, cun las qualas nus collavurain,
• administraziuns e proprietari*as d’immobiglias,
• voluntari*as engaschad*as en il rom da noss servetschs,
• instituziuns che prestan servetschs per nus (p.ex. servetsch da telefon, Eurokey),
• interpresas da servetschs, p.ex. interpresas IT (p.ex. en il sectur da hosting, cloud, communicaziun, chat online, support IT), interpresas en ils secturs administraziun da pajaments, contabilitad, administraziun da datas d’accidents dal persunal, administraziun d’occurrenzas, fundraising e marketing,
• autoritads (uschenavant che quai è prescrit legalmain).

Retschavidr*as èn obligad*as envers Pro Infirmis da resguardar las leschas vertentas e nossas disposiziuns davart la protecziun da datas en il rom da lur diever da Vossas datas persunalas.

Cun excepziun da quest*as retschavidr*as descrit*tas survart na vegnan Vossas datas persunalas betg partidas cun terzs ordaifer l’organisaziun. En nagin cas na vegnan Vossas datas persunala vendidas a terzs.

Communicaziun da las datas a l’exteriur

Nus elavurain datas persunalas en emprima lingia en Svizra ed en l’Uniun europeica (incl. Spazi economic europeic). Tut tenor ils furniturs da servetschs engaschads en il cas concret po in’elavuraziun succeder er en mintga auter pajais da l’entir mund, en spezial en ils Stadis Unids da l’America. Quai pertutga surtut furniturs secundars ubain infrastructura tecnica dad interpresas IT.

Sch’il retschavider sa chatta en in stadi che na protegia datas betg sin in nivel commensurà renconuschì dal Cussegl federal, procurain nus che Vossas datas vegnian protegidas era là en ina moda adequata. Quai capita en spezial cun:

• in’obligaziun contractuala dal retschavider da resguardar ils standards da la protecziun da datas,
• clausulas da standard per la protecziun da datas (EU-Standard Contractual Clauses),
• ina cumprova ch’il retschavider è gia suttamess a regulaziuns renconuschidas per la protecziun da datas.

Dretg ad access, rectificaziun ed opposiziun (dretg da la persuna pertutgada)

Sche nus elavurain Vossas datas persunalas, guardain nus cun gronda premura e las mesiras adequatas che quellas datas sajan correctas ed actualas e ch’ellas vegnian duvradas mo per ils intents, per ils quals ellas èn vegnidas relevadas.

Sin basa dal dretg applitgabel davart la protecziun da datas avais Vus differents dretgs en connex cun l’elavuraziun da Vossas datas persunalas, en spezial avais Vus il dretg sin:

• Scleriment: Vus pudais pretender scleriment, schebain nus elavurain datas persunals da Vus e tgeninas.
• Rectificaziun: Vus avais il dretg da laschar rectifitgar datas incorrectas ed incumplettas.
• Annullaziun: Vus pudais pretender che Vossas datas persunalas vegnian stizzadas, uschenavant quai na cuntrafa betg ad obligaziuns legalas u contractualas da conservaziun.
• Opposiziun: Vus avais il dretg da far opposiziun a l’elavuraziun da Vossas datas.
• Transferiment da las datas: Vus pudais pretender la restituziun da tschertas datas persunalas en in format electronic usità u lur transferiment ad in auter responsabel.
• Revocaziun da consentiments: Vus pudais revocar da tut temp cun effect per l’avegnir in consentiment che Vus avais dà a nus en connex cun l’elavuraziun da datas.

Vossa dumonda pudais Vus da tut temp drizzar al post da contact numnà sutvart. Client*as da Pro Infirmis sa drizzan per plaschair al secretariat en lur chantun per exercitar quests dretgs. Nus essan obligads tenor la lescha d’examinar Vossa identitad en moda fidada e d’excluder abus. Per quai resalvain nus il dretg da pretender ina cumprova d’identitad (p.ex. ina copia d’in document uffizial) u in’autra mesira che cumprova Vossa identitad.

Faschai p.pl. stim che tscherts dretgs pon esser suttamess a restricziuns legalas, p.ex.:

• sin fundament dad obligaziuns legalas da conservaziun ed elavuraziun,
• per proteger terzs (p.ex. interess da discreziun),
• per resguardar nossa obligaziun da discreziun,
• per proteger agens interess giustifitgads.

En tals cas ans resalvain nus il dretg da tegnair enavos infurmaziuns dal tuttafatg u per part, da las render nunlegiblas u da las metter a disposiziun en extracts.

Cookies

Questa pagina-web utilisescha era cookies per pudair reconstruir l’utilisaziun da la pagina-web. Cookies èn pitschnas datotecas ch’in portal-web lascha enavos sin Voss computer, tablet u telefonin, cura che Vus al visitais. Uschia po la pagina-web «tegnair endament» durant in tschert temp tschertas endataziuns e configuraziuns (p.ex. login, lingua, grondezza da la scrittira ed autras preferenzas) e Vus na stuais betg reendatar quellas la proxima giada che Vus visitais la pagina-web u navigais en il portal. Sin nossa pagina-web faschain nus diever da cookies per analisar co ch’ella vegn utilisada. Quai vul dir cunzunt per memorisar Vossa eventuala participaziun ad in’enquista, la nizzaivladad dals cuntegns (per che Vus na vegnias betg dumandà danovamain da respunder ad ina dumonda correspundenta en ina fanestra pop-up) u Vossa decisiun per (u cunter) l’utilisaziun da cookies sin quest portal. Era varsaquants videos sin nossas paginas utiliseschan cookies per far statisticas anonimas davart las paginas visitadas ed ils videos selecziunads.

Las infurmaziuns eruidas cun agid dals cookies na vegnan betg utilisadas per identifitgar Vus, ed ils cookies na servan a nagins auters intents che a quels menziunads qua. Acceptar ils cookies n’è betg exnum necessari per utilisar la pagina-web, ma ils cookies faciliteschan la navigaziun. Vus pudais bloccar u stizzar ils cookies en Voss navigatur. Co far quai pudais Vus leger qua: www.aboutcookies.org. Vus pudais stizzar tut ils cookies deponids sin Voss computer e configurar ils blers navigaturs uschia ch’il deposit da cookies vegn impedì. En quest cas stuais Vus forsa endrizzar manualmain varsaquantas configuraziuns tar mintga visita d’ina pagina e quintar cun funcziuns restrenschidas.

Plugins socials

Questa pagina-web cuntegna plugins socials sco p.ex. il buttun «Like» da Facebook. Quests plugins socials effectueschan tar la visita da la pagina-web ina transmissiun da Vossas datas (adressa IP, data e temp da la visita, etc.) al purschider respectiv. Quai capita automaticamain ed igl è tuttina, sche Vus avais cliccà il buttun u betg ubain sche Vus essas commembr*a da questas raits socialas u betg.

Analisa da la rait

Per l’evaluaziun anonimisada da las datas d’utilisaziun nunpersunalas (datas da colliaziun) che gida d’identifitgar trends e da meglierar nossa purschida online vegn fatg diever da «Google Analytics», in instrument che analisescha las activitads sin la pagina-web. Quai signifitga che questas datas na vegnan elavuradas betg mo da Pro Infirmis, mabain per incumbensa da Pro Infirmis era da Google. Google utilisescha questas infurmaziuns per evaluar Voss diever da la pagina-web, per cumpilar rapports davart las activitads sin la pagina-web e per prestar ulteriurs servetschs colliads cun l’utilisaziun da la pagina-web e da l’internet. Eventualmain vegn Google a surdar questas infurmaziuns er a terzs, tant enavant che la legislaziun prescriva quai u tant enavant che terzs elavuran questas infurmaziuns per incumbensa da Google. Vossa adressa IP transmessa da Voss navigatur en il rom da Google Analytics na vegn betg cumbinada cun autras datas da Google (vesair era las cundiziuns da Google Analytics sutvart).

Questa pagina-web utilisescha Google Tag Manager che pussibilitescha l’administraziun da tags da la pagina-web. Il servetsch sez na registrescha naginas datas persunalas. El activescha però auters servetschs che pon tut tenor registrar datas. Sch’ins ha effectuà ina deactivaziun sin il nivel da la domain u dals cookies, persista quella per tut ils tags da tracking, premess ch’ella saja vegnida implementada cun il Google Tag Manager.

Marketing Automation Tool

Pro Infirmis utilisescha sin las paginas-web l’uschenumnada Marketing Automation. Il cookie dal Marketing Automation Tool vegn utilisà per reconstruir infurmaziuns davart paginas-web visitadas e colliaziuns cliccadas sin paginas-web. Quai capita surtut per furnir infurmaziuns che van a prà en spezial cun Voss interess. Vus pudais supprimer l’utilisaziun da quests cookies (vesair era cookies). Pro Infirmis renda dentant attent che Vus na pudais eventualmain betg utilisar cumplainamain tut las funcziuns e ch’i n’è forsa betg pussaivel pli da trametter infurmaziuns che premettan l’indicaziun da datas persunalas (p.ex. num ed adressa dad e-mail) via in formular sin la pagina-web.

La spediziun d’infurmaziuns succeda via Sales Force Marketing Cloud, en il sequent «furnitur da servetschs da spediziun». Las disposiziuns da la protecziun da datas dal furnitur da servetschs da spediziun chattais Vus qua.

En pli po il furnitur da servetschs da spediziun far diever da questas datas en furma pseudonimica, q.v.d. senza attribuir ellas ad in’utilisad*ra, per optimar u meglierar ils agens servetschs, p.ex. per l’optimaziun tecnica da la spediziun e la preschentaziun da l’e-mail u per statisticas davart ils pajais d’origin da las destinaturas e dals destinaturs da noss e-mails. Il furnitur da servetschs da spediziun n’utilisescha però betg las datas da las persunas che retschaivan noss e-mails per s’adressar sez a quellas u per surdar las datas a terzs.

Ils e-mails cuntegnan in uschenumnà «web-beacon», q.v.d. ina datoteca d’ina grondezza da pixels che vegn clamada giu cun avrir e-mails dal server dal furnitur da servetschs da spediziun. En quest connex vegnan l’emprim registradas infurmaziuns tecnicas, p.ex. infurmaziuns davart il navigatur e Voss sistem operativ, sco era Vossa adressa IP ed il mument da l’access. Questas infurmaziuns vegnan utilisadas per meglierar la tecnica dals servetschs a maun da las datas tecnicas ubain las purschidas per las gruppas en mira e lur disas da leger a maun dals lieus da consultaziun (determinabels cun agid da l’adressa IP) e dals temps d’access. En connex cun las relevaziuns statisticas tutgi medemamain da constatar, sche las newsletters vegnan avertas, cura che quai capita e tge colliaziuns che vegnan avertas. Per motivs tecnics pon questas infurmaziuns bain vegnir attribuidas a las singulas persunas che retschaivan e-mails. I n’è dentant ni noss interess ni quel dal furnitur da servetschs da spediziun dad observar singul*as utilisadr*as. Las analisas ans servan però dad identifitgar las disas da leger da noss*as utilisadr*as e dad adattar noss cuntegns tenor questas disas ubain da trametter differents cuntegns tenor ils interess da noss*as utilisadr*as.

En il rom dad activitads da fundraising vegnan tramess SMS cun colliaziuns curtas. Questas colliaziuns curtas vegnan creadas dal terz purschider Okua GmbH cun sedia a Dresden (Germania). Las disposiziuns davart la protecziun da datas chattais Vus qua.

Elavuraziun da datas persunalas sin nossas paginas da las medias socialas ed autras plattafurmas

Nus mantegnain la preschientscha online sin raits socialas ed autras plattafurmas manadas da terzs per communitgar cun persunas interessadas e per metter a disposiziun infurmaziuns davart nossa activitad. En quest connex poi dar che datas persunalas vegnan elavuradas – tant tras nus sco era tras ils gestiunaris da las plattafurmas respectivas.

Nus retschavain datas persunalas p.ex. sche Vus:

• commentais u partis noss cuntegns ubain dais in like ad els,
• communitgais cun nus directamain via la plattafurma, ans valitais u scrivais in commentari davart nus,
• As participais ad enquistas u occurrenzas,
• abunais nossa pagina u la suandais.

Ultra da quai ans mettan las plattafurmas a disposiziun statisticas d’utilisaziun agregadas (p.ex. indicaziuns demograficas, datas da radius e d’interacziun) che sa basan sin l’utilisaziun da nossas paginas. Per regla èn questas datas anonimisadas, pon dentant tut tenor plattafurma permetter conclusiuns davart singuls utilisaders.

Nus administrain actualmain profils sin las plattafurmas suandantas:

• LinkedIn: LinkedIn Ireland Unlimited Company resp. LinkedIn Corporation, Decleraziun davart la protecziun da datas: https://www.linkedin.com/legal/privacy-policy
• Instagram: Meta Platforms Ireland Limited resp. Meta Platforms, Inc., Decleraziun davart la protecziun da datas: https://privacycenter.instagram.com/policy
• TikTok: TikTok Technology Limited Ireland resp. Information Technologies UK Limited, Decleraziun davart la protecziun da datas: https://www.tiktok.com/legal/privacy-policy-eea
• Facebook: Meta Platforms Ireland Limited resp. Meta Platforms, Inc., Decleraziun davart la protecziun da datas: https://www.facebook.com/privacy/policy
• Google Maps: Google Ireland Ltd., Gordon House, Barrow Street, Dublin 4, Irland. Decleraziun davart la protecziun da datas: https://policies.google.com/privacy
• Bing Places: Microsoft Corporation, One Microsoft Way, Redmond, WA 98052-6399, USA. Decleraziun davart la protecziun da datas: https://privacy.microsoft.com/de-de/privacystatement

Faschai p.pl. stim che l’utilisaziun da questas plattafurmas po avair per consequenza er elavuraziuns da datas ordaifer la Svizra u l’Uniun europeica e dal Spazi economic europeic.

Nus ans resalvain il dretg dad examinar cuntegns sin nossas paginas da las medias socialas – avant u suenter la publicaziun – senza che nus fissan obligads da far quai. Nus pudain stizzar u annunziar cuntegns als gestiunaris da las plattafurmas senza preavis, en spezial en cas da:

• messadis illegals, insultants u engianus
• reclama nungiavischada u spam
• violaziuns dals dretgs da terzs

Segirezza da las datas e responsabladad

La transmissiun da las datas a Pro Infirmis ha lieu sur ina rait averta, generalmain accessibla e transcunfinala. Il traffic tranter ils utilisaders da la pagina-web e Pro Infirmis è codà. I na po tuttina betg esser exclus che datas transmessas en quella moda giajan a perder u pussibiliteschian da reconstruir il contact cun Pro Infirmis. Consequentamain pon Vossas datas vegnir publicas u modifitgadas. Ultra da quai pon datas che vegnan transmessas en l’internet sur ils cunfins era cuntanscher pajais cun disposiziuns davart la protecziun da datas main severas che en Svizra, era sche speditur*as e retschavidr*as sa chattan en Svizra. Uschenavant che la lescha permetta quai, na surpiglia Pro Infirmis nagina responsabladad per donns directs u indirects che resultan tras la transmissiun da datas tranter las visitadras ed ils visitaders da la pagina-web e Pro Infirmis.

Pro Infirmis ha dentant prendì mesiras da segirezza che protegian las datas cunter acts nunautorisads e che garanteschan l’autenticitad da la pagina-web, l’integritad da las datas e la fidaivladad da las datas che vegnan transmessas sur la rait da l’interpresa.

Mo las collavuraturas ed ils collavuraturs che dovran las infurmaziuns respectivas han access a Vossas datas persunalas. Ellas ed els èn obligads da mantegnair la confidenzialitad da las datas.

Colliaziuns

Questa pagina-web po cumpigliar cuntegns da terzs u colliaziuns a paginas-web da terzs che vegnan mess a disposiziun unicamain per optimar la navigaziun e per porscher infurmaziuns. Nus As rendain attent che questa decleraziun davart la protecziun da datas n’includa betg ils cuntegns u las paginas-web da terzs.

Sin cuntegns u paginas-web da terzs – incl. paginas-web da terzs cun colliaziuns a la pagina-web da Pro Infirmis u che mussan quella en frames resp. vegnan mussadas sin quella en frames – n’avain nus nagina influenza. Pro Infirmis refusa tutta responsabladad per la correctezza, la cumplettadad e la legitimitad dals cuntegns sin talas paginas-web e da lur colliaziuns ad ulteriuras paginas-web sco era per eventualas purschidas, servetschs e sumegliant sin talas paginas-web. L’utilisaziun da tals cuntegns u paginas-web succeda sin Vossa atgna responsabladad.

Contact

Sche Vus avais dumondas davart la protecziun da datas, pudais Vus contactar nus via la suandanta adressa:

Pro Infirmis (CHE-103.189.584)
Datenschutzberater
Feldeggstrasse 71
Postfach
8032 Zürich

E-mail: datenschutz@proinfirmis.ch

Client*as da Pro Infirmis sa drizzan a la filiala en lur chantun per exercitar quests dretgs.

Adattaziun da la decleraziun davart la protecziun da datas

Nus pudain midar da tut temp e senza preannunzia questa decleraziun davart la protecziun da datas. I vala la versiun mintgamai actuala.