Enavos 
Contact
Pro Infirmis Secretariat e post da cussegliaziun chantunal dal Grischun
Engadinstrasse 2
7000 Cuira
Link: graubuenden@proinfirmis.ch
Cussegliaziun ed accumpagnament orientà a soluziuns
Nus cussegliain Vus e Vossa famiglia en tut ils champs da la vita.
Nus purschain discurs singuls sco er in accumpagnament sur in temp pli lung. La cussegliaziun è gratuita.
Assicuranzas socialas (p.ex. AI, prestaziuns supplementaras)
Nus As infurmain davart Voss dretgs.
Las lavureras socialas ed ils lavurers socials da Pro Infirmis disponan d'ina savida cumplessiva en il sectur da las assicuranzas socialas. En cas da basegn collavuran els cun giurists.
Abitar
Pro Infirmis gida a manar ina vita autonoma en l'atgna abitaziun ed a tschertgar in plaz en ina chasa da dimora.
Nossa purschida cumpiglia er abitar a moda assistida e cussegliaziun d'assistenza.
La cussegliaziun speziala per la construcziun senza obstachels cusseglia Vus, sche Vossa abitaziun sto vegnir adattada.
Cussegliaziun per ils confamigliars
Pro Infirmis è era qua per ils confamigliars.
Ils confamigliars che tgiran ed accumpognan umans cun impediments adempleschan in'incumbensa pretensiusa. Nus As intermediain purschidas da distgargia. La cussegliaziun è gratuita per ils confamigliars.
Agid en situaziuns finanzialas precaras
Essas Vus en stretgas finanzialas pervi da Voss impediment?
In impediment po chaschunar custs supplementars. Betg tut ils meds d'agid e las expensas vegnan cuverts da las assicuranzas socialas. En la cussegliaziun sociala sclerin nus Vossa situaziun finanziala ed As infurmain davart las pussaivladads da sustegn. Nus pudain dumandar „prestaziuns finanzialas per persunas cun in impediment“.
Lavur
Avais Vus dumondas en connex cun la lavur u la tschertga da lavur?
Nus As gidain a sclerir questas dumondas. Nus As infurmain era davart pussaivladads da lavur protegidas. La Fundaziun da Pro Infirmis Profil Lavur & Handicap intermediescha plazzas da lavur en l'economia libra.
Administraziun
Nossas collavuraturas e noss collavuraturs sustegnan Vus en dumondas administrativas dal mintgadi (p.ex. correspundenza, formulars, dumondas).
Bun da savair
Las collavuraturas ed ils collavuraturs da Pro Infirmis suttastattan a l'obligaziun da discreziun. Infurmaziuns a confamigliars, ad auters posts spezialisads u autras instituziuns vegnan dadas vinavant mo cun Voss consentiment. En cas da basegn As intermediain nus ulteriurs uffizis spezialisads ed experts. Nossas cussegliaziuns sa drizzan a tut ils umans fin la vegliadetgna d'AVS.
stampar la pagina