Post spezialisà Cultura inclusiva

Purschidas culturalas duain esser accessiblas senza barrieras era per umans cun impediments. Noss post spezialisà Cultura inclusiva s'engascha per questa finamira.

 

leger vinavant

Contact

Fachstelle Kultur inklusiv
Pro Infirmis Bern

Schwarztorstrasse 32
3007 Bern

058 775 15 65

www.kulturinklusiv.ch

Il dretg da sa participar

La participaziun culturala n'è nagin luxus, mabain in dretg da burgais. 
Umans cun impediments han il dretg da prender part a la vita culturala cun ils medems dretgs sco auters. Quest princip è fixà en l'artitgel 30 da la Convenziun da l'ONU davart ils dretgs da persunas cun impediments. Per il post spezialisà Cultura inclusiva stattan en il center trais aspects: umans cun impediments sco part evidenta dal public, sco collavuraturas e collavuraturs en instituziuns culturalas e sco artistas ed artists.
 

 

Il label «Cultura inclusiva»

Il label «Cultura inclusiva» undrescha instituziuns culturalas che s'engaschan a moda activa e cumplessiva per l'inclusiun d'umans cun impediments. 
L'access liber a las purschidas culturalas, la participaziun culturala e l'avertezza vivida èn las tenutas ch'il label promova. Bleras instituziuns culturalas han gia percurschì l'impurtanza da l'inclusiun sco pensum da la societad. Ellas èn precursuras per ina cultura senza obstachels per tut las persunas interessadas. Il label «Cultura inclusiva» sustegna ellas en ina collavuraziun colleghiala sin questa via: dapi il 2014 en il chantun da Berna, dapi il 2016 en l'entira Svizra tudestga ed a partir dal 2018 er en la Svizra romanda ed en il Tessin. 
 

 

Tschintg champs d'acziun per ina cultura inclusiva

•    purschida culturala
•    access tematic
•    access architectonic
•    purschidas da lavur
•    communicaziun
 

Vulais Vus dapli infurmaziun davart il label «Cultura inclusiva»?

Visitai la pagina-web:

www.kulturinklusiv.ch

 

Pe da pagina

ensi